Ата-әсәләр мөйөшө
Нимәне эшләргә:
-балағыҙ өсөн шатланығыҙ;
-кескәй балағыҙ менән тыныс, хәстәрлекле һәм уның яҡшы эштәрен, ҡыланыштарын хуплаған тауыш менән һөйләшегеҙ;
-бала һеҙҙең менән һөйләшкәндә, уны һәр саҡ иғтибарлы тыңлағыҙ;
-балаға аныҡ, ҡаты һәм мотлаҡ үтәлергә тейешле талаптар ҡуйығыҙ;
-бала менән һөйләшкәндә , күберәк предметтарҙың исемен ҡулланып һөйләгеҙ;
-түҙемле булығыҙ;
- ашыҡмай һөйләгеҙ;
-“нимә” һәм “ни өсөн” –тип йышыраҡ һорағыҙ;
-баланың һорау биреүгә булған ынтылышын һәр саҡ хуплағыҙ;
-бала әле уҡый, яҙа белмәгән ваҡытта уға күберәк китап уҡығыҙ;
-баланы маҡтарға һаранланмағыҙ;
-кескәй балағыҙҙың һәр нәмә менән ҡыҙыҡһыныуын һәм хыялланыуын ыңғай ҡабул итегеҙ;
- яратҡан шөғөлө менән булышыуына ыңғай ҡарашта булығыҙ;
-һеҙҙең китап, гәзит, журнал уҡып алған ҡәнәғәтләнеүегеҙҙе күреп, бәләкәстәр һеҙҙән үрнәк алһын;
-күп эштәрҙе уртаға һалып, ғаилә менән бергәләп башҡарған ерҙә, атай-әсәйҙәр һәм балалар бер уй-фекр менән йәшәгәндә, улар араһында проблемалар тыуырға урын ҡалмай.
Нимәне эшләмәҫкә:
-баланы тупаҫ рәүештә бүлмәгеҙ; бөтәһен дә аңланым, булды. Тип, һөйләүенән туҡтатмағыҙ; бала һөйләп бөтмәҫ элек, ситкә әйләнмәгеҙ. Ҡыҫҡаһы, балаға уның һөйләүе һеҙҙе ҡыҙыҡһындырмай тигән һығымта яһарға сәбәп бирмәгеҙ;
-артыҡ күп һорауҙар бирмәгеҙ;
-бала башҡарырға әҙер булмаған эште унан талап итмәгеҙ;
-бала арыған, кәйефһеҙ саҡта , тынысһыҙ ваҡытында унан көсләп берәр эш башҡарыуын талап итмәгеҙ, икенсе төрлө эш һайлағыҙ;
-артыҡ күп нәмә башҡарыуҙы баштан уҡ талап итмәгеҙ.
Ваҡыт үтеү менән бала үҙе эшен эҙмә-эҙлекле, ашыҡмай, еренә еткереп башҡара башлаясаҡ;
Баланы башҡалар алдында тәнҡитләмәгеҙ, икәү-икәү ҡалғанда ла балаға иҫкәртмәләрҙе сама менән биреү кәрәк;
-балалар алдында артыҡ күп ҡағиҙәләр ҡуймағыҙ: ул уларҙың үтәлешенә , шулай уҡ һеҙгә лә иғтибар итмәй башлаясаҡ;
-баланың күңелен күрәм тип , уны уйынсыҡтар һәм башҡа төр күңел асыу сараларына йөрөтөү менән артыҡ шаяртмағыҙ. Һәр нәмәнең үҙ самаһы бар. Бала быны белеп үҫергә тейеш.
|